खासदार संदिपान भुमरे यांच्या चालकावर फसवणुकीचा गुन्हा दाखल
छ संभाजीनगर दैनिक शब्दमत न्युज नेटवर्क
छत्रपती संभाजीनगर शहरातील दाऊदपुरा परिसरातील नऊ एकर हिबानामा जमीन प्रकरणात शिवसेना खासदार संदिपान भुमरे यांच्या वाहन चालकाविरुद्ध गुन्हा दाखल करण्यात आला आहे. चालक जावेद रसूल शेख तसेच जमिनीचे मूळ मालक मीर मेहमूद अली यांच्याविरोधात आर्थिक फसवणूक, विश्वासघात व धमकी दिल्याचे आरोप करण्यात आले आहेत. मुजाहिद इकबाल खान यांच्या फिर्यादीवरून हा गुन्हा नोंदवण्यात आला असून काल रात्री पोलिसांनी कारवाई केली. संबंधित व्यवहारात फसवणूक झाल्याचा आरोप फिर्यादीने केला आहे.
