सुखना नदीपात्रात अवैध वाळू उपसा; तीन हायवा जप्त
- दैनिक शब्दमत न्युज नेटवर्क छत्रपसुखना नदीपात्रात अवैध वाळू उपसा; तीन हायवा जप्तती संभाजीनगर
करमाड : सुखना नदीपात्रातून सुरू असलेल्या अवैध वाळू उपशावर महसूल विभागाने रविवारी धडक कारवाई करत विना क्रमांकाच्या तीन हायवा वाहनांसह सुमारे १८ ब्रास वाळू जप्त केली. पिंप्री व भालगाव फाटा (ता. छत्रपती संभाजीनगर) परिसरात ही कारवाई करण्यात आली.
गुप्त माहितीच्या आधारे महसूल पथकाने सापळा रचून अवैध वाळू वाहतूक करणारी वाहने अडवली. जप्त केलेली वाहने व वाळू तहसील कार्यालयात जमा करण्यात आली असून पुढील कायदेशीर कारवाईची प्रक्रिया सुरू आहे. तहसीलदार डॉ. शिवानंद बिडवे यांच्या मार्गदर्शनाखाली मंडळ अधिकारी अभिजीत शर्मा, विश्वनाथ नागुर्डे व संतोष बोडखे यांच्या पथकाने ही कारवाई केली. कारवाईची प्रक्रिया रात्री उशिरापर्यंत सुरू होती. दरम्यान, या कारवाईसाठी प्रादेशिक परिवहन विभाग (आरटीओ) तसेच चिखलठाणा पोलिसांची मदत घेण्यात आली. संयुक्त कारवाईमुळे वाळू माफियांमध्ये मोठी खळबळ उडाली आहे.
करमाड पोलिसांवर निष्क्रियतेचे आरोप
महसूल विभागाकडून अधूनमधून कारवाया होत असल्या तरी गेल्या वर्षभरात करमाड पोलिसांकडून एकही ठोस कारवाई झालेली नाही, पोलिसांचे वाळू माफियांशी आर्थिक संबंध असल्याचा नागरिकांचा आरोप आहे. दररोज मोठ्या प्रमाणात वाळूची वाहतूक पोलिस ठाण्याला वळसा घालून होत असून, याकडे जाणीवपूर्वक दुर्लक्ष केल्याची चर्चा आहे. अवैध उत्खननाविरुद्ध अशाच प्रकारच्या कठोर कारवाया यापुढेही सुरू राहतील, असा इशारा तहसीलदार डॉ. बिडवे यांनी दिला आहे.
