हर्सूल जेलमधून पळून गेलेल्या जन्मठेपेच्या कैद्याला अटक, गुन्हे शाखा पथकाची कारवाई
छ संभाजीनगर दैनिक शब्दमत न्युज नेटवर्क
मध्यवर्ती कारागृह, हर्सुल येथून पळून गेलेला जन्मठेपेचा कैदी शेख अमजद शेख मोहसीन उर्फ असद याला अखेर गुन्हे शाखेच्या पथकाने अटक केली आहे. दिनांक 08 फेब्रुवारी 2026 रोजी जेलमध्ये कैद्याशी भांडण करून आरोपी हर्सुल कारागृहातून पळून गेला होता. याप्रकरणी हर्सुल पोलीस ठाण्यात गु.र.नं. 39/2026 नुसार संबंधित कलमांखाली गुन्हा दाखल करण्यात आला होता.
दरम्यान, आरोपी फरार असल्याने गुन्हे शाखा त्याचा शोध घेत होती. अखेर 31 मार्च 2026 रोजी खुलताबाद येथील टी-पॉईंटच्या मागील जंगल परिसरात आरोपी लपल्याची गुप्त माहिती मिळाली.
या माहितीच्या आधारे पोलिसांनी सापळा रचून आरोपीचा शोध घेतला. पोलिसांना पाहताच आरोपी पळून जाण्याचा प्रयत्न करत होता, मात्र पाठलाग करून त्याला जंगलातच पकडण्यात आले. सदर आरोपीस पुढील तपासासाठी हर्सुल पोलीस ठाण्यात हजर करण्यात आले असून पुढील कारवाई सुरू आहे.
chhtrapatisambhajinagar shabdmat.com
