पत्रकार रामेश्वर दरेकर यांच्यावरील गुन्हा रद्द करण्याची मागणी
छत्रपती संभाजीनगर :
दैनिक शब्दमत न्युज नेटवर्क
संपादक रामेश्वर शिवाजी दरेकर यांच्यावर दाखल करण्यात आलेल्या कथित खोट्या गुन्ह्याच्या निषेधार्थ आज मा. देवेंद्र फडणवीस (मुख्यमंत्री तथा गृहमंत्री, महाराष्ट्र राज्य) यांना निवेदन सादर करण्यात आले.
हे निवेदन बिडकीन पोलीस ठाणे येथील सहाय्यक पोलीस निरीक्षक यांच्या मार्फत देण्यात आले. सदर निवेदनात दरेकर यांच्यावर दाखल केलेला गुन्हा तात्काळ रद्द करावा, अशी मागणी करण्यात आली आहे.
ही संपूर्ण प्रक्रिया पत्रकार संरक्षण समिती, छत्रपती संभाजीनगर जिल्हाध्यक्ष सुनील खराबे पाटील यांच्या मार्गदर्शनाखाली पार पडली.
यावेळी पत्रकार बांधव मोठ्या संख्येने उपस्थित होते. यात दैनिक सकाळचे रवि गायकवाड आली इनामदार, कलीम शेख, आकाश मते, दिलीप देवा, महेश वैद्य आदींचा समावेश होता.
सदर प्रकरणी निष्पक्ष चौकशी करून न्याय मिळावा, अशी मागणी यावेळी उपस्थित पत्रकारांनी केली.
