: छत्रपती संभाजीनगर महानगरपालिकेत दीर्घकाळ प्रामाणिक, कर्तव्यनिष्ठ आणि सेवाभावी वृत्तीने कार्य बजावून सेवानिवृत्त झालेल्या अधिकारी व कर्मचाऱ्यांचा मनपा आयुक्त अमोल येडगे यांच्या हस्ते मंगळवारी सत्कार करण्यात आला.
छ संभाजीनगर
दैनिकशब्दमत न्युज नेटवर्क
यावेळी त्यांच्या उल्लेखनीय सेवेला गौरव करण्यात आला तसेच भावी आयुष्यासाठी शुभेच्छा देण्यात आल्या.
कार्यक्रमात सहाय्यक आयुक्त नईम अहमद अन्सारी, उप अग्निशमन केंद्र अधिकारी अशोक खांडेकर तसेच अनुरेखक मजहर अली यांचा शाल, प्रमाणपत्र आणि गुलाबपुष्प देऊन विशेष सत्कार करण्यात आला. त्यांच्यासह विविध विभागांतील एकूण २५ अधिकारी व कर्मचारी यावेळी सेवानिवृत्त झाले.
याप्रसंगी मुख्य लेखापरीक्षक शि. बा. नाईकवाडे यांच्यासह महानगरपालिकेचे विविध विभागांचे अधिकारी व कर्मचारी मोठ्या संख्येने उपस्थित होते. उपस्थितांनी सेवानिवृत्त अधिकारी-कर्मचाऱ्यांच्या दीर्घ, समर्पित आणि उल्लेखनीय सेवेला सलाम करत त्यांच्या निरोगी, आनंदी आणि यशस्वी भविष्यासाठी शुभेच्छा व्यक्त केल्या.
मनपा प्रशासनाच्या वतीने आयोजित या सत्कार समारंभात सेवानिवृत्त अधिकारी-कर्मचाऱ्यांच्या कार्याचा गौरव करण्यात आला. त्यांच्या योगदानाबद्दल कृतज्ञता व्यक्त करत त्यांच्या पुढील आयुष्यासाठी शुभेच्छांचा वर्षाव करण्यात आला.
