खासदार कल्याण काळे यांच्या वाढदिवसानिमित्त सावळदबारा येथे विद्यार्थ्यांना शालेय साहित्याचे वाटप..
दैनिक शब्दमत न्युज नेटवर्क
सोयगाव / प्रतिनिधी यासीन बेग
.
सोयगाव : जालनालोकसभा मतदारसंघाचे खासदार कल्याण काळे यांच्या वाढदिवसानिमित्त सावळदबारा येथील जिल्हा परिषद केंद्रीय प्राथमिक शाळेत विद्यार्थ्यांना वह्या, पेन व इतर शालेय साहित्याचे वाटप करण्यात आले.
या उपक्रमाचे आयोजन सोयगाव तालुका काँग्रेसचे अध्यक्ष दिलीप देशमुख व काँग्रेस कार्यकर्त्यांच्या पुढाकारातून करण्यात आले. विद्यार्थ्यांना शैक्षणिक साहित्याचे वितरण करून त्यांच्या उज्ज्वल भविष्यासाठी शुभेच्छा देण्यात आल्या.
यावेळी शाळेचे मुख्याध्यापक व्ही. एल. राठोड, भागवत गायकवाड सर, मदन मुठाळ सर, गजानन गवळी सर, संगीता पाटील मॅडम, एल. राठोड, सतीश ढोणे तसेच गावातील नागरिक, पत्रकार गोकुळसिंग राजपूत, जब्बार तडवी, बहादूर चव्हाण, सुनील चोरमले, सुनील चव्हाण, शालेय शिक्षण समितीचे अध्यक्ष जाफर तडवी यांच्यासह शिक्षक, पालक व विद्यार्थी मोठ्या संख्येने उपस्थित होते.
उपस्थित मान्यवरांनी विद्यार्थ्यांना शिक्षणाचे महत्त्व पटवून देत नियमित अभ्यास करण्याचे आवाहन केले. या उपक्रमाचे गावकऱ्यांनी व शाळा प्रशासनाने कौतुक केले.
