नगरसेवक अपात्रता प्रकरणी मनपात सुनावणी पार; पुढील सुनावणी १६ नोव्हेंबरला
छत्रपती संभाजीनगर (विशेष प्रतिनिधी):
छत्रपती संभाजीनगर महानगरपालिकेच्या निवडणूक विभागामार्फत नगरसेवकांच्या सदस्यत्व अपात्रतेसंदर्भात सोमवारी (दि. १२ ऑक्टोबर) महत्त्वपूर्ण सुनावणी पार पडली. महाराष्ट्र महानगरपालिका अधिनियम १९४९ मधील कलम १०(१) व १०(१-ड) अन्वये ही सुनावणी घेण्यात आली असून, विविध तक्रारींवर सुनावणीची प्रक्रिया पूर्ण झाल्यानंतर या प्रकरणांची पुढील सुनावणी १६ नोव्हेंबर २०२६ रोजी निश्चित करण्यात आली आहे.
मनपा निवडणूक विभागाने जारी केलेल्या सुनावणीच्या अधिकृत यादीमध्ये एकूण आठ प्रकरणांचा समावेश होता. यामध्ये मुख्यतः शहरांमधील अतिक्रमण आणि अनधिकृत बांधकामांसंदर्भातील तक्रारींवर सुनावणी झाली. याशिवाय, काही नगरसेवकांच्या बाबतीत दोनपेक्षा अधिक अपत्ये (अपत्य नियम) असल्याच्या कारणावरून दाखल झालेल्या अपात्रतेच्या अर्जांवरही सविस्तर चर्चा झाली.
‘या’ नगरसेवकांच्या प्रकरणांवर सुनावणी
सोमवारी पार पडलेल्या सुनावणीत संबंधित नगरसेवक आणि तक्रारदारांना उपस्थित राहण्याबाबत नमूद करण्यात आले होते. सुनावणीच्या यादीत खालील नगरसेवकांच्या प्रकरणांचा समावेश होता:
* फराजाना शेख गुलाम रसूल
* मुन्शी भिकन शेख
* पठाण मझहर पठाण अय्युब
* स्वामी विश्वनाथ गुरुलिंग
* अली मिर वाजिद
* अशोक रंगनाथ हिरवाळे
* अब्दुल समीर साजिद
मनपा प्रशासनाने दोन्ही बाजूंचे म्हणणे व कागदपत्रे लक्षात घेत या सर्व प्रकरणांची पुढील सुनावणी सोमवार, १६ नोव्हेंबर २०२६ रोजी घेण्याचा निर्णय घेतला आहे. या आगामी सुनावणीकडे संपूर्ण राजकीय वर्तुळाचे व नागरिकांचे
लक्ष लागले आहे.
