महागाईविरोधात काँग्रेसचा जाफराबादमध्ये जनआक्रोश मोर्चा
- दैनिक शब्दमत न्युज नेटवर्क
जाफराबाद प्रतिनिधि :
केंद्र व राज्य सरकारच्या महागाईविरोधी धोरणांचा निषेध करण्यासाठी जाफराबाद येथे काँग्रेस पक्षाच्या वतीने बैलगाडीसह भव्य जनआक्रोश मोर्चा काढण्यात आला. या आंदोलनातून वाढती महागाई, इंधन दरवाढ व जीवनावश्यक वस्तूंच्या वाढलेल्या किमतींविरोधात सरकारचा निषेध करण्यात आला.
हा मोर्चा काँग्रेस जिल्हाध्यक्ष कल्याण दळे, माजी जिल्हाध्यक्ष राजाभाऊ देशमुख,ज्येष्ठ नेते सुरेश पाटील वाकडे,काँग्रेस नेते सुरेश गवळी, माजी तालुकाध्यक्ष ज्ञानेश्वर शिंदे तसेच तालुकाध्यक्ष अजय बनकर यांच्या नेतृत्वाखाली पार पडला. यावेळी आंदोलनकर्त्यांनी सरकारविरोधात जोरदार घोषणाबाजी करत सर्वसामान्य जनतेच्या प्रश्नांकडे लक्ष वेधले.
मोर्चामध्ये काँग्रेस पक्षाचे आजी-माजी पदाधिकारी, कार्यकर्ते व नागरिक मोठ्या संख्येने सहभागी झाले होते. महागाईमुळे सर्वसामान्यांचे जीवन कठीण झाले असून सरकारने तातडीने उपाययोजना कराव्यात, अशी मागणी यावेळी करण्यात आली.
