स्कूल बसचालकांना डिझेल नाकारणाऱ्या पेट्रोल पंप चालकांवर कारवाई करा; अन्यथा तीव्र आंदोलन !

स्कूल बसचालकांना डिझेल नाकारणाऱ्या पेट्रोल पंप चालकांवर कारवाई करा; अन्यथा तीव्र आंदोलन!

धर्मवीर मराठा महासंग्राम संघाचा उदगीर उपविभागीय अधिकाऱ्यांना इशारा*

उदगीर (विशेष प्रतिनिधी): नवे शैक्षणिक वर्ष सुरू होण्याच्या पार्श्वभूमीवर उदगीर शहरातील पेट्रोल पंप चालकांकडून स्कूल बस चालकांबाबत अत्यंत अन्यायकारक भूमिका घेतली जात असल्याचा गंभीर प्रकार समोर आला आहे. शहरात स्कूल बससाठी एका वेळी केवळ ५०० रुपयांचेच डिझेल देण्याची इंधन मर्यादा घालण्यात आली आहे. पेट्रोल पंप चालकांच्या या मनमानी कारभारामुळे विद्यार्थी वाहतूक विस्कळीत होण्याची आणि विद्यार्थ्यांची सुरक्षा धोक्यात येण्याची दाट शक्यता निर्माण झाली आहे. या अन्यायकारक इंधन मर्यादेविरोधात आज ‘धर्मवीर मराठा महासंग्राम संघ (तालुका उदगीर)’ च्या वतीने उपविभागीय अधिकारी (एसडीओ) यांना रीतसर निवेदन देऊन तीव्र संताप व्यक्त करण्यात आला आहे.

प्रशासनाला दिलेल्या निवेदनात नमूद केले आहे की, येत्या काही दिवसांतच नवीन शैक्षणिक वर्ष सुरू होत असून शाळा पूर्ववत सुरू होणार आहेत. उदगीर शहर आणि परिसरातील ग्रामीण भागातील हजारो विद्यार्थी सुरक्षित वाहतुकीसाठी स्कूल बसवर अवलंबून असतात. मात्र, सध्याच्या इंधन दरानुसार ५०० रुपयांत फक्त ५ ते ६ लीटर डिझेल मिळते. एवढ्या कमी इंधनात स्कूल बसच्या दिवसभरातील फेऱ्या म्हणजेच विद्यार्थ्यांना सकाळी शाळेत नेणे आणि दुपारी सुरक्षितपणे परत आणणे तांत्रिकदृष्ट्या अशक्य आहे.

मोठ्या वाहनांना सवलत, स्कूल बसवरच मर्यादा का? एकीकडे स्कूल बसला केवळ ५०० रुपयांची मर्यादा घातली जात असताना, दुसरीकडे मोठ्या ट्रान्सपोर्ट वाहनांना (ट्रक, कंटेनर इ.) पेट्रोल पंपांवरून अमर्यादित (Unlimited) डिझेल पुरवले जात आहे. हा व्यावसायिक दुजाभाव असून स्कूल बस चालक आणि विद्यार्थ्यांच्या हक्कावर सरळ-सरळ अन्याय आहे, असा आरोप संघटनेने केला आहे.

विद्यार्थ्यांचे शैक्षणिक नुकसान व सुरक्षेचा गंभीर प्रश्न: शाळा सुरू झाल्याच्या पहिल्याच दिवसापासून जर बसला पुरेसे डिझेल मिळाले नाही, तर शहरातील संपूर्ण विद्यार्थी वाहतूक व्यवस्था ठप्प होईल. यामुळे पालकांची मोठी गैरसोय होईलच, शिवाय विद्यार्थ्यांना वेळेवर शाळेत पोहोचणे कठीण होऊन त्यांचे शैक्षणिक नुकसान होईल. ऐनवेळी विद्यार्थ्यांना इतर असुरक्षित वाहनांनी प्रवास करावा लागल्यास त्यांच्या सुरक्षेचा गंभीर प्रश्न निर्माण होऊ शकतो. स्कूल बस ही केवळ व्यावसायिक वाहतूक नसून ती विद्यार्थ्यांशी संबंधित एक ‘अत्यावश्यक सेवा’ आहे, याचे भान पेट्रोल पंप चालकांनी ठेवणे गरजेचे आहे, अशी भूमिका निवेदनात मांडण्यात आली आहे.

तीव्र आंदोलनाचा इशारा: नवीन शैक्षणिक वर्ष सुरू होण्यापूर्वी उपविभागीय अधिकाऱ्यांनी या विषयात तातडीने मध्यस्थी करावी. उदगीर शहरातील पेट्रोल पंप असोसिएशनची तातडीने बैठक घेऊन, स्कूल बस चालकांना त्यांच्या गरजेनुसार पुरेसे डिझेल प्राधान्य क्रमाने उपलब्ध करून देण्याबाबत कडक निर्देश द्यावेत, अशी मागणी प्रशासनाकडे करण्यात आली आहे. जर वेळेत यावर तोडगा निघाला नाही आणि शाळा सुरू झाल्यावर विद्यार्थ्यांची गैरसोय झाली, तर मराठा महासंग्राम संघ स्कूल बस चालकांच्या पाठीशी उभा राहून तीव्र आंदोलन करेल, असा इशारा या निवेदनाद्वारे देण्यात आला आहे.

निवेदन देते वेळी उपस्थित

पदाधिकारी: याप्रसंगी मराठा महासंग्राम संघाचे जिल्हाध्यक्ष (लातूर ग्रामीण) श्री. देवाभाऊ घंटे, तालुका अध्यक्ष श्री. राजकुमार भालेराव, जिल्हा सचिव श्री. मोहनेश्वर विश्वकर्मा, जिल्हा उपाध्यक्ष श्री. महेबूब सय्यद, तालुका सचिव श्री. सावन तोरणेकर, तालुका संघटक श्री. संदिप जाधव, मिडीया प्रमुख श्री. श्रीधर सावळे, तालुका संघटक श्री. नारायण घोणशेट्टे, श्री. सुरज अटोळकर, शहराध्यक्ष श्री. खाजाभाई शेख, तालुका उपाध्यक्ष श्री. नरसिंग बनशेळकीकर, शहर संघटक श्री. रहीम शेख, तालुका संघटक श्री. राजकुमार सावळे, आणि तालुका सहसंघटक श्री. संजय बोरगावे यांसह संघटनेचे स्कूल बस युनियन चे सदस्य बालाजी कवठाळे.प्रकाश पाटील.शिवकुमार पटवारी.सुजित शिवशट्टे. राहुल मदने.

पोस्ते पोद्दार स्कूल उदगीर.धनराज डुमने.आमर चिंचोळे.महेश स्वामी.बाळू गोटमुकले. यशवंत सूरनर.बालाजी नागपल्ले.अभिजित गायकवाड.नागनाथ म्हेत्रे.धनराज सनगले.बालाजी केंद्रे.बालाजी कुंभार युनियन चे पदाधिकारी संघटनेचे पदाधिकारी व कार्यकर्ते मोठ्या संख्येने उपस्थित होते.