टेंभुर्णीतील जिर्ण पशुसंवर्धन दवाखान्याच्या खोल्यांमुळे गावकऱ्यांच्या आरोग्याला धोका!*
_मोडकळीस आलेल्या इमारतीत घाणीचे साम्राज्य; साप, डासांचा वावर – जि.प. मुख्य कार्यकारी अधिकारी यांनी तातडीने पाडण्याची परवानगी द्यावी, ग्रामस्थांची मागणी
दैनिक शब्दमत न्युज
जाफराबादप्रतिनिधि : मोहम्मद बाईयाश
जालना जिल्ह्यातील टेंभुर्णी गावातील *जिर्ण झालेल्या पशुसंवर्धन दवाखान्याच्या खोल्यांमुळे* संपूर्ण गावकऱ्यांच्या आरोग्याला गंभीर धोका निर्माण झाला आहे. अनेक वर्षांपासून बंद अवस्थेत असलेल्या या इमारतीत *घाण, कचरा साचला असून साप, विंचू व डासांचे प्रजनन केंद्र* बनले आहे. ही इमारत कधीही कोसळून दुर्घटना होऊ शकते, अशी भीती ग्रामस्थांनी व्यक्त केली आहे.
ग्रामपंचायत कार्यालय टेंभुर्णीला इमारत पाडण्याची परवानगी देण्यासाठी जिल्हा परिषदेच्या मुख्य कार्यकारी अधिकारी यांनी तातडीने लक्ष घालावे,* अशी मागणी नागरिक करत आहेत.सदर जुन्या पशुसंवर्धन दवाखान्या शेजारी पोलीस स्टेशन बस थांबा सार्वजनिक वाचनालय दुसऱ्या बाजूने लोकवस्ती यामुळे अगदी मोक्याच्या ठिकाणी घाणीचे सामराज्र पसरले आहे यामुळे टेंभुर्णी शहराच्या अगदी नाकावर असलेल्या या पशुसंवर्धन विकास दवाखाना जुन्या इमारतीच्या परिसरात खोल्या मध्ये नागरिक लघूशंका संडास शेजारच्या महिला घाण आणून टाकत असल्याने सर्वाधिक दुर्गंधी निर्माण झाली आहे
जिर्ण व धोकादायक इमारत :* पशुसंवर्धन विभागाचा जुना दवाखाना गेल्या अनेक वर्षांपासून बंद आहे. *भिंतींना तडे गेले असून छताचा काही भाग कोसळला आहे.* कोणत्याही क्षणी मोठी दुर्घटना घडू शकते.
2. *आरोग्याला धोका :* बंद खोल्यांमध्ये *कचरा व साचलेल्या पाण्यामुळे डासांचा प्रचंड प्रादुर्भाव* झाला आहे. यामुळे मलेरिया, डेंग्यू सारखे आजार पसरण्याची भीती आहे. तसेच *साप, विंचू व इतर विषारी प्राणी* येथे आढळून येतात.
3. *असामाजिक कृत्यांचे अड्डा :* दुरवस्था झाल्यामुळे या ठिकाणी *दारू पिणे, जुगार व इतर असामाजिक कृत्ये* सुरू असल्याच्या तक्रारी आहेत. शाळकरी मुले या भागातून जाताना घाबरतात.
4. *परवानगीचा अडसर :* ग्रामपंचायत कार्यालय टेंभुर्णीने ही *धोकादायक इमारत तातडीने पाडण्याचा ठराव* केला आहे. मात्र, ही जागा जिल्हा परिषदेच्या मालकीची असल्याने *जि.प. कडून पाडण्याची लेखी परवानगी* मिळणे आवश्यक आहे. ती अद्याप मिळालेली नाही.
*ग्रामस्थांचा संताप*
एका ग्रामस्थाने सांगितले, _”ही इमारत गावाच्या मध्यभागी आहे. *आमच्या लहान मुलांच्या जिवाला धोका आहे.* प्रशासन फक्त पत्रव्यवहारात वेळ घालवत आहे. पावसात ही इमारत पडली तर जबाबदार कोण?”_
*तातडीची मागणी*
या पार्श्वभूमीवर टेंभुर्णीतील नागरिक व ग्रामपंचायत सदस्यांनी *जिल्हा परिषद जालना, मुख्य कार्यकारी अधिकारी डॉ. कृष्णाकांत कनवारिया* यांना विनंती केली आहे की,
1. *तातडीने पाहणी करून ग्रामपंचायत कार्यालय टेंभुर्णीला जिर्ण इमारत पाडण्याची परवानगी* द्यावी.
2. पाडल्यानंतर त्या जागेचा *सार्वजनिक आरोग्यासाठी किंवा सामुदायिक कामासाठी* वापर करण्याबत निर्णय घ्यावा.
3. पावसाळ्यापूर्वीच ही कारवाई करून *नागरिकांच्या जीवाला असलेला धोका टाळावा.*
“प्रशासनाने याकडे गांभीर्याने पाहून *नागरिकांच्या आरोग्याची काळजी घ्यावी.* अन्यथा तीव्र आंदोलन छेडू” असा इशारा ग्रामस्थांनी दिला आहे.
जिल्हा परिषद प्रशासन या गंभीर प्रश्नावर तातडीने निर्णय घेऊन नागरिकांना दिलासा देईल, अशी अपेक्षा व्यक्त होत आहे.
कोटः सदरील जुन्या पशुसंवर्धन दवाखान्याची इमारत पाडण्यासाठी ग्रामपंचायत च्या वतीने ठराव पारीत करून कळविले याकडे वरिष्ठांनी लक्ष देऊन संबधीत जिल्हा परिषद बाधकाम विभागाचे अधिकारी यांनी पाहणी करून वरिष्ठांना आवाहल द्यावा जगदीश आढाव प्रशासक ग्रा प टेंभुर्णी
कोटः सदर चा जुनी पशुसंवर्धन दवाखाना इमारती मध्ये घाणाच साचलेले आहे यामुळे मोक्याच्या ठिकाणी असलेल्या या परिसरातील घाणीच्या सामराज्रा नागरीकांच्या आरोग्यस धोकादायक आहे……शौकत भाई बागवान
