मुस्लिम समाजाच्या राज्यस्तरीय अभ्यास समितीच्या अध्यक्षपदी इद्रिस मुलतानी; सोयगाव तालुक्यात भाजपच्या वतीने भव्य सत्कार..
दैनिक शब्दमत न्युज नेटवर्क
सोयगाव / प्रतिनिधी यासीन बेग
महाराष्ट्र प्रदेश अल्पसंख्याक अध्यक्ष इद्रिस मुलतानी यांची मुस्लिम समाजाच्या राज्यस्तरीय अभ्यास समितीच्या अध्यक्षपदी निवड झाल्याबद्दल सोयगाव तालुक्यात बचत भवन येथे भारतीय जनता पक्षाच्या पदाधिकारी व लोकप्रतिनिधींच्या वतीने भव्य सत्कार करण्यात आला.
या सत्कार समारंभात जिल्हा परिषद सदस्या पुष्पाताई काळे, जिल्हा परिषद सदस्य माहिन मुलतानी, वरिष्ठ नेते सुरेश बनकर पंचायत समिती सदस्य तसेच सोयगाव तालुक्यातील भारतीय जनता पक्षाचे तालुका व शहर पदाधिकारी, जिल्हा परिषद सदस्य, पंचायत समिती सदस्य, पक्षाचे नेते व कार्यकर्ते मोठ्या संख्येने उपस्थित होते.
यावेळी उपस्थित मान्यवरांनी इद्रिस मुलतानी यांचे अभिनंदन करून त्यांच्या नव्या जबाबदारीसाठी शुभेच्छा दिल्या. मुस्लिम समाजाच्या शैक्षणिक, सामाजिक व सर्वांगीण विकासासाठी त्यांच्या नेतृत्वाखाली अभ्यास समिती प्रभावीपणे कार्य करेल, असा विश्वास उपस्थितांनी व्यक्त केला. सत्कार समारंभ उत्साहपूर्ण वातावरणात पार पडला.
