आदिक मासानिमित्त तहसीलदारांचा अंजनाई गोशाळेत गोपूजन व वृक्षारोपण..
दैनिक शब्दमत न्युज नेटवर्क
सोयगाव / प्रतिनिधी यासीन बेग
सोयगाव, आदिक मासानिमित्त तहसीलदार मनिषा मेने-जोगदंड यांनी आमखेडा येथील क्रांती जनहित बहुउद्देशीय विकास संस्था संचालित अंजनाई गोशाळेला बुधवारी (दि. १०) सायंकाळी भेट देऊन गोमातेचे पूजन केले. यावेळी त्यांनी गोमातांना फळांचा आहार खाऊ घालत गोसेवेप्रती आपली श्रद्धा व्यक्त केली.
गोशाळा परिसरात तहसीलदार मेने-जोगदंड यांच्या हस्ते वृक्षारोपण करून पर्यावरण संवर्धनाचा संदेश देण्यात आला. तसेच संस्थेच्या वतीने त्यांचा शाल व श्रीफळ देऊन सत्कार करण्यात आला. संस्थेच्या कोषाध्यक्षा उर्मिला इंगळे यांच्या हस्ते हा सत्कार करण्यात आला.
यावेळी नायब तहसीलदार संभाजीराव देशमुख, क्रांती जनहित बहुउद्देशीय विकास संस्थेचे अध्यक्ष संदीप इंगळे, उपाध्यक्ष ईश्वर इंगळे, सचिव दिलीप शिंदे, सहसचिव अनिल लोखंडे, कोषाध्यक्ष उर्मिला इंगळे, सदस्या पद्माबाई शिंदे, रुपाली लोखंडे, शारदा इंगळे, मीना गाडेकर तसेच सदस्य ज्ञानेश्वर गाडेकर, राम बोडखे, ज्ञानेश्वर जाधव, राहुल जयवळ, योगेश चौधरी, केतन शिंदे, अथर्व इंगळे, गौरव हिरे आदी उपस्थित होते.
कार्यक्रमाच्या शेवटी संस्थेचे उपाध्यक्ष ईश्वर इंगळे यांनी उपस्थित मान्यवरांचे आभार मानले.
आमखेडा येथील अंजनाई गोशाळेत आदिक मासानिमित्त गोमातेचे पूजन व वृक्षारोपण करताना तहसीलदार मनिषा मेने-जोगदंड. समवेत नायब तहसीलदार संभाजीराव देशमुख, संदीप इंगळे, ईश्वर इंगळे व संस्थेचे पदाधिकारी.
